Online : జాగ్రత్త! డేటింగ్ యాప్లలో మోసాలు: ఆస్తులు అమ్ముకొని రోడ్డున పడ్డ వృద్ధుడు:కోల్కతాలో ఆన్లైన్ పరిచయాల ద్వారా భారీ మోసం ఒకటి వెలుగుచూసింది. డేటింగ్ యాప్లో పరిచయమైన ఓ మహిళను నమ్మి, 63 ఏళ్ల వృద్ధుడు తన ఆస్తులను అమ్ముకొని ఏకంగా రూ. 66.6 లక్షలు పోగొట్టుకున్నాడు. అధిక లాభాల ఆశచూపి నిండా ముంచిన ఈ ఆన్లైన్ మోసంపై బాధితుడు గురువారం బిధానగర్ సైబర్క్రైమ్ పోలీసులకు ఫిర్యాదు చేశాడు.
కలకత్తాలో ఆన్లైన్ డేటింగ్ మోసం: రూ. 66.6 లక్షలు పోగొట్టుకున్న 63 ఏళ్ల వృద్ధుడు
కోల్కతాలో ఆన్లైన్ పరిచయాల ద్వారా భారీ మోసం ఒకటి వెలుగుచూసింది. డేటింగ్ యాప్లో పరిచయమైన ఓ మహిళను నమ్మి, 63 ఏళ్ల వృద్ధుడు తన ఆస్తులను అమ్ముకొని ఏకంగా రూ. 66.6 లక్షలు పోగొట్టుకున్నాడు. అధిక లాభాల ఆశచూపి నిండా ముంచిన ఈ ఆన్లైన్ మోసంపై బాధితుడు గురువారం బిధానగర్ సైబర్క్రైమ్ పోలీసులకు ఫిర్యాదు చేశాడు.
కోల్కతాలోని సాల్ట్ లేక్ ప్రాంతానికి చెందిన 63 ఏళ్ల బాధితుడికి ఏప్రిల్ 14న ఓ డేటింగ్ యాప్లో ఓ మహిళ పరిచయమైంది. కొద్ది రోజుల్లోనే వారి సంభాషణ వాట్సాప్కు మారింది. మాటలతో నమ్మకం కుదిర్చిన ఆ మహిళ, ఆన్లైన్ పెట్టుబడుల ద్వారా అతి తక్కువ సమయంలో అధిక రాబడి పొందవచ్చని ఆశ చూపింది. ఆమె మాటలు నమ్మిన బాధితుడిని, ఆ తర్వాత ఓ టెలిగ్రామ్ గ్రూప్లో చేర్చింది. అక్కడి నుంచే అసలు మోసం మొదలైంది.
మోసగాళ్ల పథకం ప్రకారం, నమ్మకం కలిగించేందుకు బాధితుడితో మొదట రూ. 20,000 పెట్టుబడిగా పెట్టించారు. దానికి చిన్న మొత్తంలో లాభాలు తిరిగి చెల్లించడంతో అతనికి అనుమానం రాలేదు. దీంతో వారిని పూర్తిగా విశ్వసించిన ఆ వృద్ధుడు, మహిళ సలహా మేరకు దశలవారీగా పెద్ద మొత్తంలో పెట్టుబడులు పెట్టడం ప్రారంభించాడు. తన జీవితాంతం దాచుకున్న సొమ్ము మొత్తాన్ని ఈ స్కీమ్లో పెట్టడమే కాకుండా, తాను నివసిస్తున్న అపార్ట్మెంట్ను సైతం అమ్మి ఆ డబ్బును కూడా పెట్టుబడిగా పెట్టాడు. పలు బ్యాంకు ఖాతాల నుంచి డబ్బు విత్డ్రా చేసి వారికి ముట్టజెప్పాడు.
కొంతకాలం తర్వాత అవతలి నుంచి స్పందన ఆగిపోవడం, పెట్టిన డబ్బు గానీ, లాభాలు గానీ తిరిగి రాకపోవడంతో తాను మోసపోయానని గ్రహించిన బాధితుడు పోలీసులను ఆశ్రయించాడు. ఈ ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు. ఈ సందర్భంగా బిధానగర్ కమిషనరేట్కు చెందిన ఓ అధికారి మాట్లాడుతూ, “ప్రస్తుతం ఇలాంటి ఆన్లైన్ పెట్టుబడి మోసాలు విపరీతంగా పెరిగిపోతున్నాయి. గుర్తుతెలియని వ్యక్తులు చెప్పే అధిక లాభాల మాటలను నమ్మవద్దని, ప్రజలు ఎల్లప్పుడూ అప్రమత్తంగా ఉండాలని మేం పదేపదే హెచ్చరిస్తున్నాం” అని తెలిపారు.
Read also:Bumrah : బుమ్రా పునరాగమనం: రెండో టెస్టుకు ముందు టీమిండియాకు ఊరట!
